हालको व्यस्त जीवनशैलीले मानिसहरू तनाव र थकानले ग्रस्त भइरहेका छन्। यस्तो अवस्थामा बिहान सँगालिएको हरियो घाँसमा खाली खुट्टाले हिँड्नु स्वास्थ्यका लागि सरल तर अत्यन्तै लाभदायक अभ्यास मानिन्छ। आयुर्वेद तथा आधुनिक विज्ञानले समेत यसलाई शरीर र मन दुवैका लागि फाइदाजनक मानेका छन्।
मुख्य लाभहरू:
– खुट्टामा रहेका दबाब बिन्दुहरू सक्रिय हुँदा आँखाको दृष्टि सुधार हुन्छ।
– घाँसमा हिँड्दा शरीर पृथ्वीको प्राकृतिक उर्जासँग जोडिन्छ, जसले तनाव, चिन्ता र डिप्रेसन घटाउँछ।
– रक्तसञ्चार सुध्रिएर मुटुको स्वास्थ्य बलियो हुन्छ र धड्कन सन्तुलित रहन्छ।
– पाचन प्रणाली मजबुत बनिन्छ, कब्जियत र ग्यास समस्या कम हुन्छ।
– नियमित अभ्यासले निद्रा गहिरो हुन्छ र हर्माेन सन्तुलन कायम रहन्छ।
– हड्डी र मांसपेशी सक्रिय भएर बलियो बन्छ, ओस्टियोपोरोसिस रोकथाममा मद्दत पुर्याउँछ।
– प्रतिरक्षा प्रणाली बलियो भएर शरीर रोगसँग लड्न सक्षम बनिन्छ।
वैज्ञानिक आधार:
ग्राउन्डिङ/अर्थिङ सिद्धान्तअनुसार खाली खुट्टाले पृथ्वी छोँदासाथ शरीरको इलेक्ट्रोनिक चार्ज सन्तुलनमा आउँछ, जसले सूजन, दुखाइ र मानसिक तनाव कम गर्छ।
सावधानीहरू:
एलर्जी भएका व्यक्ति, मधुमेहका बिरामी, हिलो, काँडा वा कीरा भएको ठाउँमा हिँड्दा सावधानी आवश्यक हुन्छ।
