धनगढी। फागुन २१ गते हुने प्रतिनिधि सभा सदस्य निर्वाचनका लागि नेपाली कम्युनिस्ट पार्टी (नेकपा) ले सुदूरपश्चिम प्रदेशका सबै १६ निर्वाचन क्षेत्रमा उम्मेदवार टुंग्याएको छ।
अछाम–१ बाट भीम रावल र अछाम–२ बाट शरदसिंह भण्डारी उम्मेदवार बनेका छन्। कैलाली–१ मा रामलाल डगौरा थारु, २ मा राजेन्द्र साउँद, ३ मा विरमान चौधरी, ४ मा हरि चौधरी उत्सव र ५ मा पूर्वमन्त्री प्रेमबहादुर आलेमगर उम्मेदवार चयन भएका छन्।
कञ्चनपुर–१ मा विना मगर, २ मा लालबहादुर खड्का र ३ मा मानबहादुर सुनारलाई उम्मेदवार बनाइएको छ। यस्तै, डडेल्धुराबाट मानसिंह माल, दार्चुलाबाट लक्ष्मणदत्त जोशी, बझाङबाट मीनबहादुर कुवर, बैतडीबाट परमानन्द भट्ट र डोटीबाट त्रिलोचन भट्ट उम्मेदवार बनेका छन्। बाजुराबाट पूर्व प्रदेशमन्त्री प्रकाश शाहले उम्मेदवारी पाएका छन्।
