काठमाडौं :नेपाल सरकारले पहिलोपटक AI सम्बन्धी राष्ट्रिय नीति स्वीकृत गरेको छ। मन्त्रिपरिषद्को साउन २६ गतेको बैठकले National AI Policy 2082 अनुमोदन गरेको हो। यस नीतिअनुसार नेपालमा AI Council र National AI Center स्थापना गरिनेछ। साथै Data Security, Fake News Control, High-Speed Internet, Data Center, Cloud Infrastructure, शिक्षा क्षेत्रमा AI Curriculum र Startup Support जस्ता कार्यक्रम सञ्चालन गरिनेछन्।
सरकारले यस नीतिको उद्देश्य नेपालमा एआई प्रविधिको संरचित र दिगो विकास सुनिश्चित गर्ने रहेको स्पष्ट पारेको छ। नीति कार्यान्वयन भएपछि सूचना प्रविधि क्षेत्रमा नयाँ अवसर सिर्जना हुने र डिजिटल रूपान्तरणको गति तीव्र हुने अपेक्षा गरिएको छ। डिजिटल समाधानका अनुसार, यो नीति नेपाललाई अन्तर्राष्ट्रिय प्रविधि प्रतिस्पर्धामा अगाडि बढाउने ऐतिहासिक कदमका रूपमा लिइएको छ।
