काठमाडौं। त्रिभुवन अन्तर्राष्ट्रिय विमानस्थल राति बन्द हुने भएको छ।
विमानस्थल सुधार आयोजनाअन्तर्गत धावनमार्ग नजिक विभिन्न निर्माण कार्य गर्नुपर्ने भएकाले राति ११:४५ देखि बिहान ६:३० बजेसम्म विमानस्थल बन्द गर्ने निर्णय गरिएको विमानस्थल कार्यालयले जनाएको छ।
कार्यालयले नोटाम जारी गर्दै आज (सोमबार) रातिदेखि जेठ ४ गते सम्म दैनिक रूपमा उक्त समयावधिमा विमानस्थल बन्द रहने जानकारी दिएको छ। यससँगै उडान समय पनि कटौती गरिएको छ।
