काठमाडौं। कानमा रौं उम्रिनु एक सामान्य जैविक प्रक्रिया हो, जसले स्वास्थ्य वा सुन्ने क्षमतामा कुनै असर पार्दैन। तर समुद्र शास्त्रअनुसार यसलाई व्यक्तिको स्वभाव, स्वास्थ्य र भविष्यसँग जोडेर व्याख्या गरिन्छ।
समुद्र शास्त्रका अनुसार कानमा रौं हुनु सामान्यतया शुभ संकेत मानिन्छ। यसले व्यक्ति मेहनती, इमान्दार र समृद्ध जीवनतर्फ अग्रसर हुने संकेत गर्छ। बाक्लो र मजबुत रौं भएका व्यक्तिहरू आत्मविश्वासी, दृढ निर्णय क्षमता भएका र राम्रो स्वास्थ्य तथा दीर्घायु पाउने मान्यता छ। त्यस्तै, हल्का र नरम रौं भएका व्यक्तिहरू बुद्धिमान, गहिरो सोच भएका र विश्लेषणात्मक स्वभावका हुने बताइन्छ।
तर अत्यधिक र गुजुल्टिएको रौंले कहिलेकाहीँ मानसिक तनाव, असन्तुलन वा स्वास्थ्य समस्याको संकेत पनि दिन सक्ने उल्लेख गरिएको छ।
समुद्र शास्त्रलाई शरीरका बाह्य लक्षणका आधारमा व्यक्तित्व र जीवनको सम्भावित संकेत बुझ्ने प्राचीन विधा मानिन्छ।
